(27.8.2006)
FAKE VON USER KARL

Die Entführung der Natascha Kampusch (über acht Jahre lang festgehalten, dann Flucht) wirft einige Fragen auf. - Und einen Dialog, der so ganz bestimmt nicht geführt wurde...

(Vor acht Jahren, kurz nach der Entführung der damals zehnjährigen Natascha Kampusch, in einem fiktiven Wiener Polizei-Kommissariat)

MAJOR KOTHAHN: Schramme! Schramme!!! Sog amoi, wüvü weiße Liefawägen kommen für die Entführung der Natascha Kampusch in Froge?

SCHRAMME: Bestimmt 1000!

MAJOR KOTHAHN: Und?

SCHRAMME: Wos "und"?

MAJOR KOTHAHN: Und wüvü Foahra?

SCHRAMME: Na jo...? Ich schätz amoi... bestimmt a 1000!

MAJOR KOTHAHN: A geh!

SCHRAMME: Na jo...

MAJOR KOTHAHN: Überprüfen!

SCHRAMME: Wos!? Olle?

MAJOR KOTHAHN: Net olle. Nur durt, wo's amoi primär verdächtig is.

SCHRAMME: Aso... Also nur amoi die alleinstehenden, männlichen Foahra aus der näheren Umgebung?

MAJOR KOTHAHN: Du bist jo goar net so deppert, Schramme...

SCHRAMME: Hob i a nie behauptet...

MAJOR KOTHAHN: Du - eh net.

SCHRAMME: Und gaunz genau schau i ma jene alleinstehenden Foahra aun, die in an HAUS (!) wohnen. Weil, in ana Gemeindebau-Wohnung konnst ja kan festhoiten. I man: Des heart ma jo durch, wann do ane um Hüfe schreit.

MAJOR KOTHAHN: Eben... Bist aber schon ein kluga Schramme! Fast klüger, als die Polizei erlaubt.

SCHRAMME (verlegen): Waß i eh, Chef...

(Ein paar Tage später)

MAJOR KOTHAHN: Und, Schramme? Wie vü san überblieben von die 1000 Verdächtigen?

SCHRAMME. Eigentlich nur ana! Oba bei dem hob i nix gfunden.

MAJOR KOTHAHN: Wors d' in da Garag' a? Host an Spürhund mitghobt?

SCHRAMME: Na! Wor i net. Hob i net. I kaunn jo net an olles denken. Wann i des kunntat, warat i jo söba Major...

MAJOR KOTHAHN: Und? Wos hot er g'sogt, da Verdächtige, dass er mit seinem weißen Lieferwagen mocht?

SCHRAMME: Bauschutt transportieren.

MAJOR KOTHAHN (laut): Und?!!! Host in den Lieferwogen eineg'schaut???!!!

SCHRAMME (noch lauter): Hob i an Schlissl ghobt???!!!

MAJOR KOTHAHN: Waßt wos? Nimm da an Spürhund, und foahr no amoi durt hin!

SCHRAMME: Erstens, waß i nimma, wo des woar. Und zweitens, bringt's nix.

MAJOR KOTHAHN: Wieso bingt's nix?

SCHRAMME: Die Spürhund foign ma net. Wann i denen mei Dienstmarke zeig, haun sa si am Buckl, lochn mi aus - und legen si' a "Strasserl" mit ihrem letzten Fund...

MAJOR KOTHAHN: Waßt wos? Am liabsten tat i jo jetzt söba durt hin foahrn. Oba leida hob i Dienstschluß. Und daunn Urlaub. Also dann: Servas, Schramme!

SCHRAMME: Servas! (...) Wos soi's...? Probiert hob i 's...

(Lehnt sich zurück und liest Jerry Cotton)

(8 Jahre später: Als ein verwirrtes 18-jähriges Mädchen auftaucht und behauptet Natascha Kampusch zu sein, wird es zunächst einmal zum DNA-Test geschickt...)